خيرها بغيرها

خيرها بغيرها ياقلبي هونها وتهون
كل شي بالدنيا حلو لابد ندفع له ثمن

يكفيك عشت الفرح مره لو جتك من بعده طعون
ولولا الألم ما تعلمنا ابد نأمن لمن

كبرتها صغرتها هي كلها دمعة عيون
وعمر الجروح الكايده ما وقفت سير الزمن

عشت الاماني عاصفه هالحين ارضى بالسكون
جا دور ياسك يحتويك ياخذ امانيك بحصن

وش يعني احزن لو حزنت وش راح بالدنيا يكون
لا بتاقف الدنيا ولا مجروح مات من الحزن

وصلت ياجرحي هلا اهلين اتفضل تمون
ماشفت مثلك وافين دايم على وصلي يحن

علمتني اقسى علي والقصد اكون او لا اكون
وادفع وانا صدري وسيع اغلى من دموعي للشجن