خل قلبي

خل قلبي في مكانه وابتعد عني وسافر
يا أخي شوف الطيور وسو مثل اللي تسوي
ما بقى فالصدر شبر ينتظر منك الخناجر
وما بقى لليل برد يستحق أشب ضوي

كان لك في دنيتي سحب ومطر والفين حاجر
وكل هالدنيا دروبك والبروق بروق نوي
مر مثل الطيف يومي مر وقت النوم عابر
لا تقول ان الصدر مرتع غلا والجو جوي

لا تقول اني أكابر والله اني ما أكابر
ولا تعقد ولا تفك ولا تحل ولا تلوي
كنت أكذب من يقول الناس فالدنيا مخابر
لين شفت اللي تقول الناس شوف العين توي