خلصت المسرحية (صدام حسين)

مش لاقي كلام أقوله .. وإن قلت أقول لمين
ع الفيلم والسيناريو .. بتاع صدام حسين

خلاص مات الكلام .. وكله في التمام
والمسرحيه خلصت .. واتنفذ الإعدام

ونزلت الستاره .. واللعبه اتفبركت
وبانت العباره .. والطبخه اتسبكت

والحكم اصدروه .. واتفقوا ونفذوه
وكأنه انا الضحيه .. في العيد بيذبحوه

كده وصلت الرساله .. ولينا كلنا
والناس في كل حته .. هتاكل وجهنا

سيناريو وتمثيليه .. محبوكه ميه ميه
بريء او مش بريء .. مش هي دي القضيه

محاكمه امريكاني .. باسم اليهود
مبقاش دالوقت ينفع .. اللطم ع الخدود

لو كان الحكم عربي .. كانت تبقى هوينه
او حتى في الكويت .. اه اسمه عندنا

حاجات يا ناس تزعل .. وتفور دمنا
والذل والاهانه .. بتزود كرهنا

طريقه استفزازيه .. لمشاعر المسلمين
وفـ شهر الحرمانيه .. الناس معيدين

ويبقى الحكم باطل .. وغصبن عننا
ولحد امتى نسكوت .. على ناس بتذلنا

مؤامره ودبروها .. ضد الانسانيه
واتلموا ونفذوها .. يوم عيد الضحيه

اشمعنى اخوه الصغير .. لـ بعد العيد سابوه
صدام عدموه لوحدو .. مهو برضو يا ناس اخوه

زعلان على بيروت .. وعلى فلسطين كمان
وكفايه وقف حال .. والله يا ناس حرام

اسلوب يا ناس حقير .. محدش يقبلوا
وازاي واحد اسير .. يتهان ونبهدلو

في ناس فرحانه فيه .. ونازله تريقه
وناس بتقول ده كله .. حاجات متلفقه

كل الشعوب الحره .. عشان زعلانين
بيقولوا فين الرحمه .. والعدل يا مسلمين

اللي عاملين مجازر .. سايبينهم ليه بقى
هاتوهم واعدموهم .. على حبل المشنقه

مجزرة بيت حانون .. مش اول مجزره
ان كنتو نسيتو هاتو .. دفاترهم تنقرا

كل اللي عايز اقوله .. انا لسه مقولتهوش
يا عمي واحنا مالنا .. متسبني انام خفيف
ومتجرجرش رجلي .. كلام مهوش ظريف