خان الزمن

خان الزمن وأهل الزمن خانوا معاه
عين الحقيقة ما يغطيها لباس الأقنعه
من لا درس تجارب الدنيا ولا حسب لها
يخطي وما يلقى بهالدنيا جميلٍ تصنعه

يلعب على الحبلين في الماء العكر يحسب سواه
ما يدري إن لعبته بتوصله للمضيعه
أعمى عيونه هالحقد لو بتناصحه ما ينتصح
ما يعتدل لو بتحاول تعدله ما ينفعه

أفضل تخليه بطريق وعن طريقك تبعده
حتى يحس إن العلاقة الغادره ما تنفعه
لا تربي الثعبان في بيتك أكيد بيخدعك
يترقب الفرصة متى تسنح وجسمك يلسعه