حي من سلم من الهاتف

حي من سلم من الهاتف … فزله قلبي بترحيبه
لي بوصله سعدي يصادف … واتمنى الحظ يلفيبه

شفت من قلبي له موالف … مالكني من عقب غيبه
لي مشي ردف الخصر هايف … لي نهض والثوب يليبه

بو محيا سمر وعطايف … سحر في عينه تغضيبه
كيف تنشد وانته العارف … عن مصابي وانته تدريبه

دوم جفني فالهوا ذارف … لك غلى فالنفس مصخيبه
لي جداهم قلبيه هازف … لي تسليني تراحيبه

لي شبيه الريم لي خايف … زين فاطرافه مخاضيبه
لي دعالي فالحشا راجف … ذاب حالي من تسابيبه

من حنان القلب له عاطف … حلو في شكله وتساليبه
يالخوي لو شفت ما شايف … جان ترحم حال وتثيبه