LYRIC
تشوف اموري وتتحقق
تشـوف أموري وتتحقق وبرضه مش عايزة تصدق
بانت لـها غيرتي عليها وجست النار بإيديها
وشافت لها الميل بعينيها وبرضه مش عـايزة تصدق
شكيت لها من طول سهدي وبان لها شدة وجدي
وشافتني بين الناس وحدي وبرضه مش عايزة تصدق
وسمعت العاذل بيقول ويعيد وأنا صابر مشـغول
وبان لعينها ألف دليل وبرضه مش عايزة تصدق
إيــــه يعني لما تكذبني ما دام ضميري راضي عني
وازاي تشوف وتصدقني وهي مش عايزة تصدق
No comments yet