تزعل واراضيك

تزعل واراضيك واتلذذ بتزعيلك
تبي الصراحه انا مجنون زعلاتك
لا قمت تبعد وانا اقرب وادنيلك
وامسك طرف غترتي وامسحها دمعاتك

وتبدي تعاتب وانا كلي انتباهيلك
مانيب يمك انا عيني علي شفاتك
وتعيد حكيك وتفرك حيل منديلك
وتخالطت صادق حروفك بوناتك

واحاول ارضيك مدري منين ابديلك
واتلهف لبسمتك وارد ضحكاتك
عيني علي خطاك والقلب يدعيلك
تبي الصراحه انا اعشق كل حالاتك

يسرقني الوقت ولا يمديني احكيلك
كلامي الي تحفظته لشوفاتك
وقت الوعد فات وعيوني تراعيلك
واقفيت واشغلت قلبي بلتفاتاتك