تجدد جروحي

تجدد جروحي من هوى الصاحب الغالي
وعيني في شوفه صافي الخد مفتونه

ذبحني هوى المحبوب والحب غربالي
لاشك المصيبه حالوا الناس من دونه

خياله يورى لي وطاريه يطرى لي
ولو طالت الايام والله فلا اخونه

ترى صورته دايم وذكراه في بالي
وروحي بدبرة كامل الزين مرهوونه

ابو مبسم ٍ يذبح ابو عود ميالي
وشوفه خطر والموت والسحر بعيونه

انا قبل اعرفه خاطري داله ٍ سالي
ومن عرفتي له معرف النوم وش لونه

متى يا حياة الروح تشفق على حالي
تحيرت والايام ماهي بمأمونه

ترى جرح الاول زوده جرحك الثاني
سيوف الهوى من بين حجاك مسنونه