بنت الحته

بنت الحته يا زاينه الحته
ياللي مفيش في حلاوتك سته ..
واللي في سنك غايرين منك
مش طايلين من حسنك حته ..
يا بنت الحته .. يا زاينه الحته

لما خطرتي في عز شبابك
آلف عريس خبط على بابك ..
واللي اتهنى .. خش الجنه
جه رضوان وكتب له كتابك ..
والله يا بختو .. في بنت الحته
لو مش عيبه .. لآخذها فـ حته ..
واللي في سنك غايرين منك
مش طايلين من حسنك حته ..
يا بنت الحته .. يا زاينه الحته

رنييّ كمان زغروته يا جاره
واترقصوا يا بنات الحاره ..
على فرحتنا .. وبعروستنا
زي توحه تمام وسماره ..
اما عذولنا .. إن خش الحته
ح نخليه لك .. ستين حته