LYRIC
لمّا ايديي بتمسكن
إيام عمري بتملكن
دقات قلبي بإيدها
بتوقّفن، بتحرّكن
بترقّص عيوني رقص
بتملّي بحياتي النقص
وبتصير تحكي بالطقس
وكأن شىء لم يكن
خدودا اللي منّي بيخجلو
بحسّن انا بيتاكلو
بمثّل عليها بالزعل
كثرة ما بتراضي حلو
قدّام سحرا بنغلب
بتسلبلي ضحكاتي سلب
عينيها بلوّو القلب
لمّا حنان بينتلوا
قلبا الانا بحبو متت
فكّرتو لغيري خوتت
فتشتوا مافي غير انا
سلّمت عحالي و فتت
Comments are off this post