اوراق خضراء

أوراق خضراء جذرها اليوم منزوع
اغلا السنين اللي مضت مع حبيبي
يا عين هلّي ما بقى لك من دموع
فرقا الحبايب من تردى نصيبي

دارت بنا الدنيا وغدى الشوف ممنوع
وأول خياله من عيوني قريبي
حبل المواصل بيننا اليوم مقطوع
حسبي على اللي لاعني في حبيبي

احلام عمري ليلها مابه شموع
وان جا النهار الشمس عنها تغيبي
كنت انتظر لقياه والراس مرفوع
فوق الثريا لو مكانٍ رحيبي

نفسي عزيزة مابها ذل وخضوع
لكن بلوى الحب شيٍ عجيبي
اركض ورى الحرمان والقلب موجوع
مثل العمر يلحق زمان المشيبي