الوعد

قد ما تقدر تعاند يا عنيد
عاند اللي من عنادك ما ارتوا
ان قدرت ابعد عن عيوني بعيد
الوعد قدام لو قلبك قوى

مهما تقسى مهما تجرح او تزيد
العناد اليوم لجروحي دوى
من عرفتك وانت في طبعك فريد
فيك حب الذات من صغرك ربى

خلني اعيش في ليلي وحيد
خلني اشكي بعادك والنوى
غيب وغيابك ترى مابه جديد
من خبرتك لحظة ماعشنا سوا

عندي فراقك حبيبي يوم عيد
بعد ما نجمك مع غيري ضوى
لا تقول ولا تزيد ولا تعيد
حبنا نجمٍ بعد هجرك هوا