الهي يحرسك

إلهي يحرسك م العين وتكبر لي يا محمد
يا اجمل فرحة بين قلبين على الايام بتتجدد
يا زهرة حبنا النادي يا بهجة عشنا الهادي
يصونك ربنا ويحميك وتكبر ليَّ يامحمد

قمر طالع مابين حبيبين يطول عمرك وتتهنى
جمعته للهنا اليفين ؟ وخليت عشهم جنة
ميلادك كان صباحه عيد وكان ليله علينا سعيد
يصونك ربنا ويحميك وتكبر ليَّ يامحمد

يا اسعد غنوة من قلبي أغنيها واعيش فيها
واسمّع كل شيء جنبي من الفرحة يغنيها
رعيتك من عيون الناس وحّصنتك برب الناس
يصونك ربنا ويحميك وتكبر ليَّ يامحمد