القناديل الحزينه

فداك الشوق ما سرتي وجيتي سقى الله ساعة فيها وطيتي
فرشتك في سواد العين بيتي وليل الحب مضوية نجومه
لقيت الشوق يا عذاب المحيا عيون ناعسه وغصون ريا
ولي ما عاد وصلك والثريا متى هالحب يرحمني رحيمه
تناديك القناديل الحزينة اذا هبت بذكراكم سنينه
ويفرح من غدا مثلك ظنينه ولو ضجت من همومه همومه

يا غنوتي يا منوتي يا حياتي امسيت لي ماضي وحاضر وآتي من الفرحه
عمر من الفرحه غمسته ابعطرك يملا زمان الورد من ذكرياتي
كم ليلة ضاقت فيها ضلوع صدري اضويت فيها بالندى امسياتي
يا من بعثت النور في ليل نفسي انا مدين لك بباقي حياتي
تناديك القناديل الحزينة اذا هبت بذكراكم سنينه
ويفرح من غدا مثلك ظنينه ولو ضجت من همومه همومه