LYRIC

العشاق والشاويش

قلتيلي جايي والموعد بخيل
بكل مرايي زرعت القناديل
زرعت القناديل بالموعد البخيل
تاشوفك جايي جايي جايي
قلتيلي جايي خبرت العصافير
في سهرة قلتلن لا تناموا بكير
لا تناموا بكير في فرح كتير
والوردي جايي جايي جايي
علمني يا حارس الليل
شو مضى وشو باقي من الليل
أنا خوفي ليكون اللي باقي
مش كافي لموعد الليل
بنزل عالطريق بيضيعني الطريق
بمشي بالضباب بيضيعني الضباب
يا حبيبي إكتبني على بالك غنيي
يا حبيبي لا تتركني بقلبك منسيي
صوتك من زمان صحاني من زمان
أول الإيام ندهني للإيام
على بابي نامت المسافي وحيدي
على بابي زهرت غنيي سعيدي
هدا شو هدا شو هدا شو؟
على وين على وين على وين؟
يا قمر يا قمر يا قمرهدا شو؟
نعم نعم يا شاويش
هدا شو هدا شو هدا شو؟
و شو عم نعمل يا شاويش؟
خلوي خلويي غراميي
خلوي غراميي؟
خلوي خلويي غراميي تحت القناديل البلديي.
مخالفي صريحة. تحقيق تحقيق تحقيق
ليش البلديي، هيي ضد الغرام؟
البلديي لأ، مش ضد الغرام، لكن ضد الكلام و اللي خلف الكلام
نحنا عم نحكي يا شاويش حكي بيوجع يا شاويش
هاتوا سمعونا و وجعونا معكن
حكي الحب يا شاويش بين إتنين و بس
يكون بين تلاتي
حكي الحب بدو إتنين زغار يربوا سوا، و سوا
يصيروا كبار، و تقعد تنطر و تنطر و تنطر
البلديي مستعجلي بدا شي عالنار و لا بنطر و لا و لا تنطر.
تحقيق تحقيق. هاتوا قناديل القناديل. هلق ذلحين
حوار
تعا تاشوف
نعم
شو قصة هالقنديل
وكاعم قاعدين يتغازلوا تحت ضو البلديي
و شو فيها؟
شو فيها؟ يعني هيك البلديي تضوي و تصرف كهربا و هني يتغازلوا
و إنتا شو بدك؟
يا مادموزيل لازم اللي بيصرف عالمشروع هو يستغلو
مش عم بفهم
رح فهمك. هالبلديي عم تصرف و تضوي كهربا
لازم هيي تغازل أو حدا من قبلها، رئيس البلديي الشاويش
إنتا لهون بدك توصل؟
أيه ليش لأ؟ كل من سار على الدرب وصل
يا آفندي خلينا صحاب
أسكت وله! عامل مخالفي قد راسك بقدر هلق أخدك عالحبس
أيه ليش رح خليك تاخدو؟
إذا مش رح تخليني شي تاني، بس هوي لطش
القنديل من مطرحو و حطو بمطرح إستراتيجي
عالبوغاز كيف ما مرقت الحلوي تعلق عندو
بسيطا، روح عاشارع تاني خد قنديل من البلديي و إعمل متلو
ليش بعد في بهالبلديي غير هالقنديل و هالشاويش؟
و الشاويش بدو يطبق النظام
مفهوم
و مش قادر إلا علينا
معك حق، كل الناس مسلحه
فيك تفرقنا؟ بدنا نرقص و نغني
هون؟
مش عاجبك؟ يا بتغني يا بتفل
أنا رجل النظام غني و بالشارع و تحت ضو البلديي
إذا أنا قبلت إنت ما بتقبل
فإذن فل
أاا عندي حل تالت
شو هوي؟
يتهامس الشاويش و أبو أسعد القبضاي ثم يضحكون و يرحل الشاويش

Added by

كلمات اغاني

SHARE

أغاني لنفس الفنان

93. اومن
111. برد
114. بعدنا
117. بعلبك
118. بغداد
146. بيسان
153. تخمين
165. تونس
172. جلنار
186. حبينا
195. خالقه
196. خايف