الحذر ما يمنعك

الحذر ما يمنعك من القدر .. ما كتب لك في جبينك بيصير
ما كتب للعبد ماعنه مفر .. ماعلى المقسوم والكاين مطير

لا وقعت يا فتى عيبك ظهر .. تصير عند الناس مذومٍ حقير
مايرد الشور لك ولا الخبر .. ولا يكلمك الصغير ولا الكبير

لانويت الدرب شاور واستخر .. ما يضيع العاقل اللي يستشير
المخاطر لو سلم مره عثر .. يجيبه الجلاّب لو طال المسير

وانشد اللي دارسٍ غيب ونظر .. كم وقع بالفخ من بلبل وطير
من ترجى بالإله وقد صبر .. غيّر الشين القديم واصبح بخير