LYRIC

الا يا عين هلي

الا ياعين هلي .. دوعك يا شقيه
على وقتٍ مضالي .. الايا عين هلي
انا المغبون انا الي .. عمايه من يديه
الا واعزتا لي .. انا المغبون انا الي

متى علمي بخلي .. شهر عيد الضحيه
الا وا همالالي .. متى علمي بخلي
إلى صفيت اصلي .. طرى خلي عليه
يهوجس فيه بالي .. إلى صفيت اصلي

وهو عزي وذلي .. ولا لي مقدريه
ولا يعلم بحالي .. وهو عزي وذلي
ولاني مسفهلي .. عقب صافي الثنيه
الا وا طي حالي .. ولاني مسفهلي

بغيت ولا حصل لي .. مواصيله خفيه
وصل غالي لغالي .. بغيت ولا حصلي
ذبحني بالتغلي .. له عزومٍ قويه
يقول الوصل تالي .. ذبحني بالتغلي

Added by

كلمات اغاني

SHARE