اغلى ناسي

قولي وشفيك أغلى ناسي ليه زعلانه وحزينه
ما تعودت إني أشوفك صايره للهم رهينة
والله ما أعرف ويش أقولك ما أبي تشيل هم فيني
المصيبة كل ما اسكت افضحتني دموع عيني

لا تحاتي يا عزيزة فضفضي لي بأي وسيله
لو أنا ما شلت همك قولي يعني من يشيله
يوم أنا بزهرة شبابي يا حلات الدنيا كانت
يوم ضاقت بي شويه ذبلت الزهرة وماتت

يعني إنت شلتي همنا ما يشيله حتى ظالم
من جفى الدنيا لقيتي العذاب وربي عالم
يا وليدي هذي دنيا غربتنا وإحنا فيها
لا تعايشني ظروفي والله ما تقوى عليها

ليتني شفت إللي شفتيه ليتني ذقت المرارة
إللي عشتيها بحياتك يا خسارة .. يا خسارة
رغم آلامي الكثيرة يا وليدي لا تبالي
دامك إنت اليوم يمي الأمل فيك ما يزالِ