اضحك

اضحك وخذني معك يافرحه ايامي
مااحلى من الضحكه الا وجه راعيها

اشوف ف ضحكتك دنياي واحلامي
الى اشرقت غنت الدنيا ومافيها

تنساب بين الشفايف مثل الانغامي
العين تطرب لها والروح تحييها

ومرات تسرح بي اكثر ونت قدامي
احلى السواليف تغريني وتغريها

من علم الثلج فيها عن ظمي الظامي
من علم الجمر لاشواقي يصحيها

اشواقي اللي بقلبي عاشت اعوامي
انا وقلبي من الفرحه نغنيها

خلك معي ياحبيبي والهوى دامي
واحلى سنيني معك تنور لياليها