اخترتك انت

لا تكثر همومي وترسم عذابي … وانا تركت الناس واخترتك انته
قلبي فتح لعيونك السود بابي … من عقب مافي وجه غيرك غلقته
لا تقول معلن فالغرام انسحابي … وانا لجل حبك فوادي فتحته

حب ٍ خطف قلبي وضيع صوابي … واضح ولول عنك شعوري كتمته
والله لو تعلم بحب ٍ غدا بي … ان كان عمرك لاجل عيني نذرته
لكنني مخفي عن الناس مابي … والحب ترخص قيمته لو نشرته

تعال اجدد معك بهجة شبابي … واعيد عمر ٍ قبل شوفك حرقته
تعال داوي في حياتي مصابي .. وانا بعوض لك زمان هدرته
ياسيدي ياعالي القدر والجنابي … خليت كل الناس واخترتك انته