احلى خبر

من بشروني بها الخبر وانا على نار انتظر
عيدتش لاني راح اصير شاعر واكتب لتش شعر
عشان ابارك لتش انا واملى لتش الدنيا غنا
واجيتش ياموزه واقول حالحلوه تامرني امر

لتش طلة مثل الربيع حلوه على قلب الجميع
مثل البشاير طلتش ورد وفراشات ومطر
يحفظتش ربي من العيون يالغاليه الدر المصون
ياللي اذا قلت اسمها يطلع مع انفاسي عطر

كل عام وانتي بالف خير عذبه ومثل ماي الغدير
يكبر غلاش وتكبيرين قدامنا طول العمر
والله انا فرحان لش كاني واحد من هلتش
ياكيف لا ودي اكيد انتي الذي فيها قمر