احلفك واشكيك لله

أحلّفك وأشكيك لله
إن قلت غير اللي في قلبك
بتحبني أو كلمة لا
ح تقولها مهما يكون ذنبك

غنيت وغنى الكون وياك
يوم ما التقينا وبان لي هواك
لما الهوى من دمعي سقاك
كاس الوفا زوّدت شقاه

عشنا ربيع الحب اتنين
وروح المحبة ما بين قلبين
مين غيّرك بين يوم و يومين
خلاّك تخون عهدي وتنساه

إن قلت لاء.. أنا حبيتك
وضحيت شبابي و هويتك
قول مهما ح تقول ياريتك
ما عرفت قلبي وشفت ضناه
أحلّفك وأشكيك لله….