احبها

ذا حال درب الهوى العين تشقيها

احبها حيل واسهر واتحراها
وافز لا اقبل مع النسمه لها طاري
القلب يطلب لقاها مل فرقاها
والعين لجل المفارق دمعها جاري

يا وحشة الليل غابت طال مسراها
قولي لها اني تعبت وطال مشواري
الى متى بس اناظر بعض ذكراها
متى تعود حياتي وتنطفي ناري

الله محلى سوالفها وما اغلاها
هي كل شي بحياتي شمعة افكاري
يا ويل قلبي عيون الزين محلاها
لا سلهمت بالنواعس تسري يا ساري

سموا عليها وعين الله ترعاها
يقول من شافها يا قدرة الباري
غصب عليا انتظرها واتحراها
واقول يوم اذكروها حي ذا الطاري