اتلمت الحبايب

اتلمت الحبايب مع بعض من جديد
اشمعنا انت اللي غايب عن جمعنا السعيد
ايه حاشك عن لقانا ..
طب دا السلام امانه ..
لو تبعت تبقى وقفه
لو تيجي يبقى عيد
على جمعنا السعيد ..

بنلومك من عشمنا
ونعاتبك من غرامنا
دي قلوبنا بيك مأمنا
حتى وانت بعيد
اشتقنا ليك جميعنا .. يا ريت تكون سامعنا
وتقرب البعيد ..
لو تبعت تبقى وقفه
لو تيجي يبقى عيد
على جمعنا السعيد ..

ارجع تاني مكانك
هو َ ومن شال عشانك
دا اللي عزك وصانك
فاتحلك الف إيد
خليها تيجي منك .. دحنا ما يحوشنا عنك
إلا القوى الشديد ..
لو تبعت تبقى وقفه
لو تيجي يبقى عيد
على جمعنا السعيد ..

تعال للمحبة .. نتفاهم حبه حبه
ونرجع عشره شابه .. اهو دا القول المفيد
الدار يا حبيبنا دارك
واصحابها في انتظارك ..
وانت الأمل الوحيد ..
لو تبعت تبقى وقفه
لو تيجي يبقى عيد
على جمعنا السعيد ..