يحق لك

يحق لك تقسى وتنسى جميلي
وتقسى على قلبي وتقطع وصالي
مهما تعذبني ومهما يجيني
استاهل اللي صار وكل ما جرى لي..

بايدي رسمت دروب همي وعذابي
وضيعت احلى سنين عمري وشبابي
صوت باعلى صوت محد درى بي
وعذبت نفسي لجل عينك يا غالي
استاهل اللي صار وكل ما جرى لي..

كم حذروني منك وياما انصحوني
وانا كل ظني انهم يحسدوني
ياليتني طاوعتهم وابعدوني
ويا ليتني ما عشمت انا فيك حالي
استاهل اللي صار وكل ما جرى لي..

حسبي عليك اشلون حطمت قلبي
واشلون ما تذكر غرامي وحبي
ادعي عليك اليوم يبلاك ربي
وتذوق حسراتي وتبكي الليالي
استاهل اللي صار وكل ما جرى لي..