راعبي الدوح

راعبي الدوح لا تصيحي
نوحك ينقش لي جراحي
مبتلي وتزيد تجريحي
والمحبه تتلف الصاحي

طار بي شوقي مع الريحي
والتبسني لبس الأرياحي
للذي شوفه تباريحي
وانشراحي وبهجة افراحي ..
ظبي يربي المياضيحي
ريم جيله فيض الابطاحي
من المها وولد الوضيحي
خذ عيون وجيد لو راحي

عود وردانه ملافيحي
خامرٍ بالطيب نفاحي
من الخجل عنده ملاميحي
نور بدرٍ وبارقٍ لاحي ..
اربعين وبحرٍ وسيحي
خوخٍ وتينٍ وتفاحي
شوفهم راحي وترويحي
نشوتي وراحي مع افراحي