باقي امل

قلت لك راحت علينا
قلت لي باقي امل
قلت لك مات الأمل
قلت الله لا يقول
قلت طيب وش تسمي
كل ما صار وحصل
قلت لي ازمة وتعدي
ولازم نلاقي حلول
وضعنا في الحب اصبح
قصة وسيره ومثل
لين صار الحب فينا
اشبه بطفل خجول
مدري من فينا ظلم
ومدري من فينا عدل
ومدري من فينا تمنى الزعل عمره يطول

كل لحظه تمر فينا
اصعب من اللي قبل
واعتقد ماعاد فينا
للهوى طعم وقبول
حتى ابيات المشاعر والاغاني و الغزل
صرنا نسمعها وحنا لانحس ولا نقول